Svar: Með appi og lyklum frá RSA gefst Landsbankanum tæknilegt svigrúm til að bjóða þróaðari lausnir við innskráningu og staðfestingu aðgerða. Nota má appið og auðkennislykilinn jöfnum höndum, allt eftir því hvað hentar betur hverju sinni. Notkun appsins eykur þægindin við innskráningu í netbanka fyrirtækja, enda er síminn oftar í seilingarfæri en auðkennislykillinn.

Svar: Það er gert til að bæta öryggið og þjónustuna. Með þessum hætti er auðveldara fyrir viðskiptavini að bregðast við innsláttarvillum auk þess sem samræmis er gætt við aðrar netlausnir bankans.

Svar: Nei, ekkert breytist við appið eða nýja lykilinn. Viðskiptavinir sækja appið þegar hentar og virkja það á eigin spýtur án aðkomu starfsfólks bankans.

Svar: Þú byrjar ferlið í sjálfum símanum: Opnar Apple App Store fyrir iPhone eða Play Store fyrir Android og leitar þar að appinu RSA SecurID Software Token og setur það upp á símanum þínum. Eftir það innskráir þú þig í netbanka fyrirtækja á hefðbundinn hátt og opnar síðuna RSA-lyklar undir kaflanum Stillingar. Þar tekur við virkjunarferli sem netbankinn sjálfur leiðir þig í gegnum.

Svar: Appið er virkjað við næstu innskráningu í netbanka fyrirtækja á síðunni RSA-lyklar undir kaflanum Stillingar. Þar opnast leiðbeiningaferli sem þú fylgir í stuttum og einföldum skrefum. Athugðu að ekki er hægt að nota gamla Todos auðkennislykilinn samhliða appinu. Viljir þú nota bæði app og auðkennislykil þarft þú að sækja RSA lykil í næsta útibú sértu ekki þegar með hann.

Appið er nú til reiðu í símanum og hægt er að nota það við innskráningu hjá fyrirtækjum sem þú hefur aðang að í netbankanum. Allt sem þú þarft er notandanafn, lykilorð, PIN og appið.

Nei, þetta getur verið sama PIN númerið og þú notar nú þegar með Todos plastlyklinum.

Svar: RSA appið er til fyrir iPhone og Android og verður síðar fáanlegt fyrir fleiri stýrkerfi. Viðskiptavinir með aðrar símagerðir eru hvattir til að sækja sér RSA plastlykil í næsta útibú hið fyrsta.

Í iPhone og Android útgáfum appsins er innbyggður QR lesari sem einfaldar virkjunarferlið til muna. Appið er vissulega til fyrir aðrar gerðir líka (svo sem Windows síma) en þar er QR lesari ekki innifalinn ennþá. Þeir símanotendur eru því hvattir til að sækja sér RSA plastlykil í næsta útibú. Landsbankinn kynnir öpp fyrir fleiri símagerðir þegar þau líta dagsins ljós.

Svar: Nei, þetta er annað númer. En vissulega getur þú valið að hafa það eitt og hið sama. Það er samt ekki ráðlegt.

Svar: Nei, líkt og lyklarnir gildir eitt og sama appið fyrir ótakmarkaðan fjölda fyrirtækja. Af sömu ástæðu nægir eitt PIN fyrir öll fyrirtæki í þínum ranni.

Svar: Appið er frítt.

Svar: Komdu til okkar í næsta útibú og fáðu plastlykil frá RSA. Þú færð hann án endurgjalds en verður að sækja hann í eigin persónu. Ekki stoðar að sækja lykla fyrir hönd annarra né að óska eftir póstsendingu lykils í ábyrgðarpósti. Hér er listi yfir alla afgreiðslustaði okkar. Appið verður fáanlegt fyrir fleiri stýrikerfi þegar fram í sækir.

Svar: Sú kemur tíð. Enn sem komið er geta viðskiptavinir eingöngu í netbanka einstaklinga hagnýtt símaskilríki við innskráningu.

Notkun appsins eykur þægindin við innskráningu í netbanka fyrirtækja enda er síminn oftar í seilingarfæri en auðkennislykillinn. Sjálft innskráningarferlið í netbankann er því sambærilegt við notkun hefðbundinna plastlykla.

Öryggislega séð er appið hvorki betra né verra en plastlykilinn. Kostir appsins felast í þægindunum.

Fjöldi banka um heim allan býður sínum viðskiptavinum appið en hérlendis er Landsbankinn fyrsti bankinn í samstarfi RSA.

Nei, appið er óskylt og óháð SIM kortinu.

Hér er vísað til fernra atriða sem skilmálar appsins innihalda. Í því ljósi er svarið kaflaskipt í sömu röð og skilmálarnir:

1. Photos/Media/Files
Þetta er hjartað í öllu saman og tengist dulkóðuðu vottorði (svonefndri SDTID skrá) sem gegnir burðarhlutverki í uppsetningarferlinu. Í ferlinu hagnýtir appið QR lesara sem vistar skrána í símann til að uppsetningarferlið sé notendavænna.

2. Camera
Myndavélin er vegna QR lesarans.

3. Wi-fi connection information
Hér er um staðlaða textaútfærslu Google Play að ræða. Appið er óháð wifi upplýsingunum enda er áhættumat (e. Risk engine) ekki starfrækt með appinu.

4. Device ID & call information
Device ID skiptir miklu máli en call information gerir það aftur á móti ekki enda hagnýtir appið ekki símtalaskrána. Hér gildir svipað og í lið #3 að appverslunin kýs að spyrða þessu tvennu saman í einn lið.
DeviceId er notað til að búa til kóða í rauntíma. Það tryggir að þú færð ekki sama kóðann á tveimur mismunandi símum á nákvæmlega sama tíma.
Appið hagnýtir DeviceID til að átta sig til dæmis á því hvort að nýr sími (óprúttins aðila) sé óvænt að nota appið.

Settu appið upp í nýja símanum, skráðu þig svo inn í netbankann með gamla símanum og virkjaðu appið í netbankanum. Afvirkjaðu svo gamla símann í netbankanum og fjarlægðu appið úr eldri símanum.

Settu appið upp í nýja símanum. Notaðu plastlykilinn til að skrá þig inn í netbankann og virkja appið í nýja símanum. Afvirkjaðu svo gamla símann í netbankanum.

Hafðu samband við þjónustuver okkar í síma 410 5000 eða sendu okkur tölvupóst á netfangið fyrirtaeki@landsbankinn.is með upplýsingum um hvernig við náum í þig og við höfum samband.

Ólíkt einstaklingum hafa fyrirtæki gjarnan eigin verklagsreglur um fyrirkomulag öryggismála, þar með talið að nota verður öryggislykla í hvaða banka sem er í heiminum, óháð því hvort bankinn hagnýtir áhættumat (e. Risk engine) á borð við RSA kerfið. Þess vegna eru fáar vísbendingar í þá veru að öll fyrirtæki vilji sleppa lyklanotkun, hvorki í skemmri né lengri framtíð. Aftur á móti verða lyklar innan fárra ára valkvæðir gagnvart fyrirtækjum hjá Landsbankanum og þá kjósa viðskiptavinir sinn háttinn hver um sig. Þangað til verða lyklarnir skilyrði.

Hafðu samband við okkur í netfangið fyrirtaeki@landsbankinn.is eða hringdu í síma 410 5000. Aðstoð er í boði frá kl. 9.00 til 17.00 alla virka daga.

Athugaðu hvort dagsetning og tími sé rétt stillt (notaðu staðbundið tímabelti, ekki hið íslenska) og reyndu að nýju. Að öðrum kosti hafðu samband við Landsbankann í síma 410 5000 eða sendu tölvupóst í netfangið fyrirtaeki@landsbankinn.is og við höfum samband við þig og leysum þetta saman.

Svar: Það er gert til að bæta öryggið og þjónustuna. Með þessum hætti er auðveldara fyrir viðskiptavini að bregðast við innsláttarvillum auk þess sem samræmis er gætt við aðrar netlausnir bankans.

Svar: Til að bankaþjónustan á netinu sé eins örugg og unnt er höfum við bætt við nýjum öryggisþætti. Netbankinn verður að mestu leyti óbreyttur, nema hvað að einn öryggisþáttur bætist við sem virkar á bak við tjöldin til að vernda aðgang þinn að bankanum. Með nýja öryggisþættinum kann einstaka sinnum að vera óskað eftir að þú staðfestir hver þú ert áður en haldið er áfram. Þannig getur þú notað netbankann af meiri öryggi.

Svar: Óprúttinn aðili með ólíklega aðgerð þarf að svara öryggisspurningunum þínum rétt eða svara símtali í einu af þeim símanúmerum sem þú gafst upp áður en hann fær aðgang að netbankanum þínum eða lýkur sviksamlegum viðskiptum. Öryggisspurningar eru ekki fyrsti valkostur, þeim er sjaldnast beitt nema aðrar leiðir þrjóti.

Svar: Í þessu tilfelli rétt sem öðrum þá er Landsbankanum umhugað um verndun persónuupplýsinga. Landsbankinn hefur ekkert aðgengi að þeim upplýsingum sem safnað er og hefur því ekki möguleika á að vinna upp úr gögnunum. Upplýsingunum eru eingöngu ætlað til þess að koma auga á óhefðbundna hegðun og vernda notendur netbankans þannig að bankaþjónustan á netinu sé eins örugg og unnt er. Landsbankinn tilkynnti fyrirhugaða vinnslu til Persónuverndar og hefur hún ekki gert athugasemdir.

Svar: Sem viðskiptavinur bankans þekkjum við hvernig þú berð þig að í netbankanum. Ef við verðum vör við atferli sem ekki líkist hefðbundinni hegðun þinni, munum við óska eftir að þú gerir grein fyrir þér. Slíkt mun aðeins gerast einstaka sinnum. Að öllu jöfnu verða engar beiðnir um viðbótarupplýsingar. Við gætum til dæmis óskað eftir staðfestingu þess að þú sért í raun og veru að reyna að fá aðgang en ekki einhver annar ef einhver reynir að skrá sig inn með þínu notandanafni og aðgangsorði úr tölvu í öðru landi skömmu eftir að þú skráir þig út úr tölvunni sem þú notar venjulega heima.

Svar: Þú mátt búast við að fá beiðni í netbankanum um að tilgreina viðbótarupplýsingar. Þar á meðal gæti verið að velja nokkrar öryggisspurningar sem aðeins þú kannt svarið við, ásamt því að gefa upp símanúmer þar sem hægt er að ná í þig á meðan þú ert í netbankanum. Þegar það hefur verið gert er kominn nýr öryggisventill í netbankann þinn.

Nýja öryggiskerfinu fylgir enginn kostnaður fyrir viðskiptavini frá hendi Landsbankans. Landsbankinn vill þó benda á að ef viðskiptavinur notar íslenskt farsímanúmer í útlöndum og er beðinn um að auðkenna sig í netbankanum símleiðis, tekur viðkomandi símafyrirtæki gjald fyrir móttöku símtalsins samkvæmt gjaldskrá.

Það verður aðeins beðið um viðbótarupplýsingar þegar tiltekin innskráning virðist vera óvenjuleg eða stangast á við hefðbundna hegðun þína í netbankanum. Einnig verður þú beðin(n) um að setja inn upplýsingarnar þínar þegar þú ert fyrst beðin(n) um að veita þínar öryggisupplýsingar.

Svar: Ef vart verður við hegðun sem er óvenjuleg eða ekki dæmigerð verður þú beðin(n) að svara sjálfvirku símtali. Þú gætir einnig verið beðin(n) um að svara nokkrum af öryggisspurningunum sem þú valdir.

Svar: Hegðun telst óvenjuleg eða ekki dæmigerð ef eitthvað við hana virðist ekki samræmast því hvernig og hvaðan þú sinnir venjulega bankaviðskiptum þínum í netbankanum. Ef aðgerðin sem beðið er um virðist ekki dæmigerð fyrir þig, verður þú beðin(n) um nánari upplýsingar til að staðfesta að það sért þú en ekki einhver annar aðili sem er að nota netbankann í leyfisleysi.

Svar: Öryggiskerfið miðar við þætti eins og hvaða færslum þú sinnir venjulega í netbankanum, hvernig tölvur þú notar yfirleitt til að komast í netbankann eða hvaða öryggisstillingar eru yfirleitt á tölvunni þinni. Hundruðir þátta eins og þessir mynda lýsingu sem er einstök fyrir þig og gerir okkur kleift að skera úr um hvort sá sem er að nota netbankann þinn sé í raun og veru þú.

Svar: Nei, aðeins þegar vart verður við óvenjulega notkun eða hegðun sem ekki er dæmigerð fyrir þig. Að öllum líkindum mun það gerast mjög sjaldan.

Svar: Þú þarft aðeins að setja upp öryggisferlið einu sinni, eftir það virkar það sjálfkrafa. En í því felst að þú nýtur ávallt verndar — bæði þegar þú ert í netbankanum og það sem er enn mikilvægara, þegar þú ert ekki að nota netbankann.

Svar: Já. Persónuupplýsingar þínar eru öruggari en áður vegna þess að við erum að ganga úr skugga um að það sé ekki einhver í leyfisleysi að reyna að fá aðgang að upplýsingunum þínum.

Svar: Ef vart verður við hegðun sem er óvenjuleg eða ekki dæmigerð verður þú hugsanlega beðin(n) að svara sjálfvirku símtali. Þegar þú svarar símanum verður þú beðin(n) að tilgreina kóðann sem birtist þá á tölvuskjánum til að bera kennsl á þig. Símanúmer verða ekki seld þriðja aðila, né verða þau notuð til að hafa samband við þig vegna tilboða og kynninga.

Svar: Það þarf að vera að minnsta kosti eitt símanúmer en við hvetjum þig til að gefa upp allt að þrjú símanúmer. Ef við þurfum að bera kennsl á þig, gætir þú fengið sjálfvirkt símtal í eitt af þeim símanúmerum sem þú gafst upp. Það er mikilvægt að gefa upp númer þar sem hægt er að ná í þig á meðan þú ert að nota netbankann. Til dæmis, ef þú notar netbankann í vinnunni ættirðu að gefa upp vinnusíma eða farsíma í vinnunni svo hægt sé að ná í þig þar. Það tryggir að þú getir haldið áfram í netbankanum án nokkurra óþæginda.

Svar: Ef þú þarft að skipta um símanúmer skaltu annað hvort breyta því í stillingum netbankans eða hafa samband við þjónustuver bankans. Þegar þú notar netbankann gætu komið af og til beiðnir um að þú staðfestir að upplýsingar þínar séu réttar.

Svar: Ef ekki er hægt að ná í þig í þeim númerum sem þú gafst upp skaltu hafa samband við þjónustuver bankans.

Svar: Stöku sinnum óskum við eftir að þú staðfestir að upplýsingarnar sem við erum með séu réttar, til að hámarka öryggi þitt og þægindi við notkun netbanka Landsbankans.

Svar: Ef notandanafni þínu og aðgangsorði er stolið, verður þjófurinn að svara öryggisspurningunum þínum rétt eða svara símtali í einu af þeim símanúmerum sem þú gafst upp áður en hann fær aðgang að netbankanum þínum eða lýkur sviksamlegum viðskiptum. Ef notandinn getur ekki veitt þær upplýsingar, eða ef ekki næst í hann í síma, verður lokað á hann. Með þessum viðbótum hámörkum við öryggi í netbankanum þínum, um leið og þín eigin upplifun verður þægilegri.

Svar: Það er mjög gott að þú farir oft inn í netbankann. Það er ávallt skynsamlegt að fylgjast reglulega með hvort óvenjulegar færslur birtist í netbankanum (eins og greiðslur sem þú hefur ekki innt af hendi). Þessi öryggisþjónusta auðveldar að koma í veg fyrir að slík atvik eigi sér nokkurn tíma stað og að allt sé eins og það á að vera þegar þú kannar stöðuna.

Svar: Það er gott að þú skulir nota veiruvörn og einkaeldvegg. Gættu þess að sá hugbúnaður sé ávallt uppfærður til að vörn gegn veirum, Trójuhestum og tölvuhökkurum sé eins góð og vera má. Þessi nýja öryggisráðstöfun verndar gegn annars konar ógn, eins og stolnu notandanafni og aðgangsorði. Það virkar með öðrum öryggishugbúnaði þínum, en kemur ekki í staðinn fyrir hann.