Er þitt félag með gilda áreiðanleikakönnun?

Öll félög í viðskiptum við Landsbankann þurfa að vera komin með gilda áreiðanleikakönnun fyrir árslok 2020. Ef ekki liggur fyrir gild áreiðanleikakönnun fyrir árslok verður reikningum félagsins læst þar til hún liggur fyrir. Þú finnur áreiðanleikakönnunina undir "Stillingar" í netbankanum og það er einfalt og fljótlegt að svara.

Áreiðanleikakönnun er aðlöguð að mismunandi félagaformum. Fyrir flest félagaform gildir áreiðanleikakönnunin í 3 ár en lögaðilum ber skylda til að uppfæra upplýsingar um félagið ef einhverjar breytingar verða á þeim tíma, s.s. breyting á stjórn eða eignarhaldi.

Þeir sem geta svarað könnuninni í netbanka eru:

• Einkahlutafélög (ehf.) og hlutafélög (hf.). Framkvæmdastjóri, prókúruhafi og umboðshafi geta svarað áreiðanleikakönnun, að því gefnu að þeir hafi aðgang að netbanka félagsins. Að öðrum kosti geta þeir útnefnt umboðshafa til þess. Einnig má svara könnuninni utan netbankans með því að hafa samband við viðskiptastjóra félagsins eða Þjónustuver í síma 410-5000.
• Félagasamtök, sameignarfélög (sf.), samlagsfélög (slf.) og áþekk félagaform. Allir þeir sem eru með aðgang að netbanka félagsins geta svarað, með fyrirvara um að viðkomandi staðfesti að hann hafi nægar heimildir til þess að veita umbeðnar upplýsingar.
• Opinberir aðilar þurfa fyrst að hafa samband við Landsbankann til að starfsmaður félagsins geti svarað í netbankanum.

Önnur félög, svo sem erlend félög með útgefna kennitölu vegna bankaviðskipta og lífeyrissjóðir, geta ekki svarað könnuninni í netbankanum og þurfa að snúa sér til bankans til að svara með öðrum hætti.
Nánari upplýsingar

Það er einfalt að stofna nýjan reikning

Það tekur enga stund að stofna bankareikning fyrir fyrirtækið eða félagið þitt í netbanka fyrirtækja. Þú velur reikning sem hentar þínum rekstri, hvort sem þú ert nú þegar viðskiptavinur eða nýkomin/n í viðskipti, og bankareikningurinn er strax tilbúinn til notkunar.

Öll fyrirtæki, stofnanir og félagasamtök (lögaðilar með íslenska kennitölu) geta stofnað bankareikninga í netbanka fyrirtækja. Þar er hægt að stofna þá reikninga sem reksturinn þarfnast, verðtryggða, óverðtryggða og í erlendri mynt. Auk þess geta launagreiðendur stofnað orlofsreikninga fyrir launþega sína í netbankanum.
Nánari upplýsingar

Einstaklingar fá umboð til almennra bankaviðskipta fyrir lögaðila

Einstaklingar geta nú fengið umboð til að sjá um almenn bankaviðskipti lögaðila. Umboðið veitir m.a. réttindi til að stofna bankareikninga, debetkort, kreditkort, innkaupakort, innheimtuþjónustu, gefa greiðslufyrirmæli, svara áreiðanleikakönnun og breyta leyninúmerum. Gildissvið umboðsins spannar það sem í almennu tali er nefnt "daglegur rekstur" en lántökur og veðsetningar eru undanskilin. Umboðið veitir einnig rétt til athafna í sjálfsafgreiðslu á netinu og afgreiðslu í útibúi. Umboðið hentar öllum félagaformum, þar með talið hlutafélögum, einkahlutafélögum, ríkisstofnunum, sveitarfélögum, íþróttafélögum og húsfélögum.

Undirritunarreglur eru samkvæmt firmaritun félagsins og fæst umboðið gegn rafrænni undirritun firmaritara. Njóti firmaritara ekki við þarf öll stjórnin að undirrita umboðsveitinguna. Gott dæmi um það eru húsfélög en í þeirra tilfellin þarf öll stjórnin að undirrita umboðsveitinguna.

Félag getur veitt jafn mörgum einstaklingum umboð og óskað er, það eru engar takmarkanir á fjölda. Umboðið getur haft ákveðinn gildistíma eða gilt þar til því er sagt upp.

Hafðu samband við okkur í netfangið fyrirtaeki@landsbankinn.is eða í síma 410 5000 til að hefjast handa.